القائمة الرئيسية

الصفحات

إستراتيجية الحصول على نقطة عالية في مادة الرياضيات في إمتحان الوطني بالدرجة


إستراتيجية الحصول على نقطة عالية في مادة الرياضيات في إمتحان الوطني 


السلام عليكم ورحمة الله وبركاته
هدا الموضوع غدي نخصو للناس تع العلوم ولي أي واحد فكم عارف بلي مادة الرياضيات هي من أهم المواد ولي تحكم في معدل النجاح بطريقة كبيرة بزااف بعتبار أن المعدل ديلها طالع وأي نقطة في هدا المادة إمكن ليها تشكل فرق كبير متفقين على هدشي مزيان ، ولكن واش عمراك فكرتي كفاش نستغل هدا المادة المصلحتي مشي ظضي ؟ أشنهيا أحسن خطة إستراتيجية إمكن ليا نخدم بها في هدا المادة ونضم فيها نقطة مزيانة ؟
إدن أنا في الموضوع اليوم بإدن الله خصصتو وبحث باش نجيب ليك أحسن جواب على هدا الأسئلة لدالك هدا الموضوع مهيم بزاااف لتلاميذ لي عندهم الباك هاد العام 🎓، خصوصا العلوم التجريبية ... هادشي كايهمكم بزاااف 📚 لدالك كانصحك تخود شوية من وقتك وتقرا هدا الموضوع حتى الأخير إدن نبداو بأشنهيا

أحسن طريقة للتمكن من مادة الرياضيات و التفوق فيها ؟


للأسف سمحو ليا نقول لكم أن أكبر خطأ كيرتكبه التلاميذ لي فالبكالوريا بدون قصد هو أنهم كيعتاقدو بأن الدروس كاملين بحال بحال ، غير مكيتمكنوش و كايرونها فشي درس صافي كايقول ماشي مشكل نعوض فالدرس الماجي🤦🏻‍♂ ! هذا خطأ كبير فادح كترتكبه و هو لي كايخليكم واحلين ففهم الرياضيات و الإجابة على التمارين سواء فالفروض أو الإمتحانات الوطنية .
لهدا خصصة هدا المقال كالعادة في موقع مول التلاخيص لي مختص في نشر مواضيع حول طرق النجاح وأيضا نشر تلاخيص لجميع الدروس بدارجة المغربية لي إمكن لكم ترجعو تشفهوم في أي وقت ،
كنقترحو عليك تشوف هدا الموضوع لي غدي عجبك بتأكيد


المهم نرجعو المضوعنا الرئسي لي هو أحسن طريقة ممكن نتبعها في مادة الرياضيات للسنة الثانية بكالوريا، هدا الطريقة غدي تخلكم تعرفو بلي كين ركائز أساسية فمادة الرياضيات ، وإلا معرفناش هدا الركائز غدي نلقاو مشكل كبير بزااف ، كيفما كاتشوفو فهدا الصورة

أفضل طريقة لمراجعة مادة الرياضيات في الثانية بكالوريا

 فيها الدروس لي غادي تقراو فمادة الرياضيات العام كامل ، هاد الدروس مرتبتهمش على أساس الترتيب ديالهم و إنما على أساس العلاقة لي كاتربط بيناتهم ، غادي يبان ليكم من النظرة الأولى بلي كاين دروس تقريبا مكتربطهم ببعضياتهم حتا علاقة ، و لي هوما :

درس المتتاليات .

درس الأعداد العقدية .

درس الهندسة الفضائية .

درس الإحتمالات .

يعني إمكن نقولوا هاد الدروس مستاقلين على ببعضهم ولكن أيضا في المقابل كاين عدد آخر من الدروس لي مرتابطين مع بعضياتهم ، فدرس أو مفهوم حساب النهايات ، غادي نلقاو بلي عندو علاقة مباشرة بدرس الإتصال و درس الفروع اللانهائية هدا الدرسين أساسين باش نخدمو دراسة الدالة .
وأيضا عندنا درس الإشتقاق لي عندو علاقة كبيرة وطيدة مع درس الدوال الأصلية لي بدورو حتى هو أساسي باش نفهمو درس حساب التكامل ، و هادو حتا هوما مهمين من أجل دراسة الدالة عاوتاني ، و دراسة الدالة هي لي عندها أكبر عدد ديال النقط فلإمتحان الوطني تقريبا ما بين 8 إلى 10 نقط

من جهة أخر درس الإشتقاق عندو علاقة حتى مع درس المعادلات التفاضلية لي ممكن يتحط حتى هو فلإمتحان .

دبا إمكن لينا نستنجو واحد الحاجة لي إمكن حتى نتا لحضتها ولي هي إمكن نقلو بلي أن أهم درسين فالمقرر كامل هوما : النهايات و الإشتقاق .
وخصك تعرف أنك إلى ضبطتي هدا الدرسين مزيان كن أكيد و على يقين راه غاتبان ليكم الرياضيات ساهلة بحال الماء ، ولكن إلى مشتي حتى خليتي عندك مشكل فهدا الدرسين فراه غدي تلقاو مشكل طيرو حتا تعياو و دائمما غايبقا عندكم نقص كبير فالرياضيات لي غدي شكل لكم واحد العائق و ماغاديش يخيلكم تجيبو فوق 12 في إمتحان فالوطني ، داكشي علاش خاصكم و كانصحكم أنكم تهتموا بجميع دروس الرياضيات بشكل عام و هاد الدرسين بالخصوص إلى بغيتو تمكنو وتتميزو و تتوفقو فدراستكم إن شاء الله ، هدا الطريقة كاين لي عرفها وخدام بها وكين لي غير كيخدام داكشي عشوائي وإمكن تصدق ليه وإمكن لا ، ولكن بطبعة الحال يكون تالف وكيتعدب ماشي بحال واحد عندو منهجية وإستتراجية خدام عليها وضبط شغلو .

في الأخير نقول لكم راه هدشي مشي هو كلشي مزال غدي نشارك معكم تكملة تع هدا الإستراتيجية لي غدي تخدمو عليها طول العام ، بالإضافة إلى نصائح وتحفيز وملخصات على طول العام لدالك كنصحك أنك تبقا متبع صفحتنا على الفيس بوك أو تتبع موقع مول التلاخيص بشكل مباشر باش توصل بكل جديد .
وإدا كنت ترغب بأخد نسخة من هدا الموضوع الإحتفاض به إمكن ليك تيليشارجيه من خلال رابط التحميل هدا نظرا لأن خاصية النسخ متوقفة في الموقع وشكراا



إدا كان لديك أي سؤال يمكن وضعه في التعليق أسفل هدا الموضوع سوف نكون سعداء بالإجابة علية ولا تنسى أن تقول لنا رأيك حول هدا الموضوع و مشاركته مع أي شخص يمكن أن يستفيد منه لتعمة الفائدة وشكراا على حسن تتبعك للموضوع ❤