قصص مجموعة من التلاميذ حققوا النجاح بمعدلات ضعيفة في الجهوي
أهلا وسهلا بكم في مدونة مول التلاخيص، هدا المدونة مختصة في نشر تلاخيص لجميع المستويات بطريقة زوينة بالدارجة المغربية من أجل مساعدة الجميع على النجاح.
في موضوع اليوم سوف نقدم لكم مجموعة من القصص الجميلة لتلاميد حققوا هدف الحصول على شهادة البكالوريا رغم كل الصعوبات، حيت تحدو بإسرارهم عائق النقطة الضعيفة التي حصلوا عليها في السنة الماضية في من التعليم الثانوي تحديدا في التانية بكالوريا في في إمتحان الجهوي .
إدن ياصديقي خد من وقتك فقط دقيقة إقرأ فيها هده القصصة التي سوف تمنحك الكثير من التحفيز والدافع لتحقيق نجاحك أنت أيضا ، هده القصص كلها بالدارجة المغربية .
في موضوع اليوم سوف نقدم لكم مجموعة من القصص الجميلة لتلاميد حققوا هدف الحصول على شهادة البكالوريا رغم كل الصعوبات، حيت تحدو بإسرارهم عائق النقطة الضعيفة التي حصلوا عليها في السنة الماضية في من التعليم الثانوي تحديدا في التانية بكالوريا في في إمتحان الجهوي .
إدن ياصديقي خد من وقتك فقط دقيقة إقرأ فيها هده القصصة التي سوف تمنحك الكثير من التحفيز والدافع لتحقيق نجاحك أنت أيضا ، هده القصص كلها بالدارجة المغربية .
قصتي مع البكالوريا القصة الأولى
انا جبت في اولى باك 4.45 مكنتش مسوق للقراية ،طلعت الباك بقيت عطيها تفلية مع صحاب ضحك وخروج دوزت الامتحان سقطت مبقاش فيا للحال ولكن فين تدخل فيسبوك تلاقى الاصدقاء عندي كتبين حمدلله نجحت في فيسبوك ونخرج درب نلاقى كل شي فرحان والوالدين ديلي بقا فيهم حال والله حتى انا بقى فيا الحال أكتر فين نجحو صحابي
عاودت عام بزز مدرتش سوايع علاش والوالدين ديلي في الحال تدخل يوتوب تفرج في الأساتذة تشرحو تنمشي المدرسة من الدار للمدراسة ومن مدرسة للدار والله حتى تعذبت باش نجيب 16 في الدورة الاولى تعاملو معيا الأساتذة دازت الدورة الثانية،دوزت الامتحان جيت الدار تنحس براسي مدرت والو جاوقت ديل النتائج الله سمحلي من الوالدين بقاو سهرانين معيا تنقول ليهم راني ساقط ولا عندي الإستدراكية .
ولكن الحمدلله في الاخير نجحت من للاخر بغيت نقول ليكم جوج حوايج أكتر حاجة ندمت عليها هي داك العام لول لي ضيعت من حياتي حيت كون غير درت شوية المجهود كن نجحت من العام لول .
تاني حاجة كن أكيد أنك لدرتي مجهود وخدمتي ربي مغديش إضبيعك متبقاوش مسوقين الجهوي خدمو على المراقبة و الوطني بتوفيق للجميع
- موضوع مقترح لمشاهدته
- ملخص مفهوم الشخص بالدارجة المغربية
القصة الثانية قصتي مع الباك
بداية هدا العام ماشي بحال الأعوام لي دازو حيت دخلت بواحد العقلية ديال القراية يعني لا شغب لا بسالة غي القراية وخا جيت مع دراري مبغيينش يقراو و كيقلبو على الفرصة فاش يلهيوك مهم مكانتش بحال البداية لي تصورتها فصيف وخا هكاك دازت ديك 2 أسابيع بحال أي بدايات ديال الدراسة القسم نو تيتيز يعني مكانش كيتشتت ليا التركيز داخل القسم أو بطبعت الحال كانو أساتذة ف المستوى او كانو .. مهم الأساتذة المزيانين كيغطيو على الخايين فاللول كان حسابليا غادي نخرج مع 6 او نمشي لدار باش نراجع داك شي لي قريت ولاكن تبعت دراري او كنجي نلوح شكارتي او نخرج مع مرور الوقت عاد كتحس بأنك تقولبتي أو هاد شي الا تقولبتي مبقتيش على نفس العادة العام كامل داز الشهر اللول الدروس تراكمو المورال طاح بطبيعت الحال شويا ديال الغياب ولكن الغياب ماشي لخاطري حيت مكنتش كنحمل المادة ديال التربية اللإسلامية ماشي حيت المادة ولاكن حيت الأستاذة ديال المادة بلا مندخلو فتفاصيل مهم مأترش عليا الغياب حيت المواد الأساسية ديما كندخل ليها أو المواضبة...
الدورة اللولة سلات بلا أي مجهود أولا حفاضة غير الفهامة حيت أنا طبعي ماشي حفاض كنكره نحفض غي كنفهم او بيخير وليديا مدواوش معايا حيت هاد العام بالضبط كنت قلت ليهم فاللول ديال العام حتا واحد ميدوي معايا بخصوص القرايا أولا الحفاضة حيت كانت عندي الرغبة فهاد العام مهم مع البداية ديال الدورة الثانية غيرت البلاصة ديالي فالقسم حيت بغيت نتبع شويا معا العلم انا الدرس الا تكتب مغنرجعش ليه من بعد وخات بقالي مليون ساعة خاوية كيجيني واحد الملل فالحفاضة خصوصا مواد الحفض مهم من بعد التمارين ديما مخرجين الفروض كندخل غا فاهم او كنجيب النقط اما فمواد الفهم بلا منخمم فالنقطة حيت مضمونة معلينا من بعد مبقات 3 شهور الوطني كنقول مزاااال الحال واااايلي انا غنبدا نحفض دبا ميمكنش اوا معا مرور الوقت مزال الحال مزاتل الحال كنشوف فاليومية او شهر 5 هذا ميمكنش مزال شهر بقيت كنقوا ميمكنش هاد شي كيفاش هاد الوقت ولا كيطير هكا اوا ديك اللحضة فين بديت كنبريباري غي شويا وليت غا كنفكر علاش مبديتش بكري علاش مهم بديت كنضم الوقت ديالي فالحفاضة وليت هاز الهم للإمتحان ...
دخل رمضان غادي مزيان وخا فاتني التران ولاكن كنت كنحاول نعوض ما فات بقيت كنقول يا ريت كون بديتي هكا من اللول ديال العام حتا را انا ساليت دبا او مستعد ولاكن هانية ديما مورا الفطور كندخل لبيتي نسد عليا او نبدا نبرباري حتال 12 عاد كنخرج نضرب دويرة باش نتلف الوقت اوا مع الأيام جات الليلة ديال الإمتحان انا زعما مخرجت برا على أساس نعس بكري حطيت راسي على الوسادة اوا عيني مسدودين او عقلي خدام والو مبغاش يديني نعاس حتا طلع النهار معا نعاسي تقيل موصي الواليدة او الواليد او داير ألاغم ل طيلي 2 سوايع قدامي محققين ههههه مكنتيقش ف النعاس ديالي حيت عارف راسي و الله الا كنتصمك منين كنكون ناعس اوا داني نعاس واحد ساعة من 5-6 او ضرباتني الفيقة بوحدا و الله ما فيقني شي واحد سبحان الله إلا كان عقلك محقق صافي راك ناضي ههه نضت خسلت وجهي لبست بقيت كالس حتا يجي الوقت منين وصلات 7 انا واجد خرجت عادي وخا كان خاصني قهوة مي عادي تلاقيت مع دراري شيك يقاد النقلة شي هاز دفتار او انا كنت مع النرع اللول كنقاد النقلة حتا وصلنا منين جينا ندخلو بداو كيقلبونا ههههه و انا عندي طيليفون فجيب و انا نرجع لور بزربة ضربتو فسبرديلة او كملت مهم مطلع والو بقيت غادي حتا لقيت راسي انا اللول فلاليست معطلونيش الطاولة اللولة اواااه العام لي فات او هاد العام ف الطاولة اللولة بزااف على هاد النحس مهم هانية ندوزو دخلنا الحصة اللولة العربية درت فيها قراي كنقرا النص هههه عرفتو مسرحية او عندي بزاف ديال التقاديم فجيب واحد جبت اللولة او ما جات غ المسرحية و الله فديك اللحضة حتا تصدمت اواااه ما جا غا داك التقديم من دون داك شي كامل دازت 3 دسوايع ساليت خرجت انا اللخر مشيت نعست حتال 1 فقت بقيت كنفكر اش غندير فالعشية الإنجليزية كنقول هانية كنت موجد ليها من قبل خدمت شحال من امتحان هبت دخلنا معا تحطات الورقة قريت النص بديت كنشرشم فالأسئلة مهم ساليت ف 2 ديال سوايع خرجت مشيت فحالي ...
الغد ليه فقت حتال 12 عندي الفلسفة يا لاطيف معقدة او مع الطاولة اللولة او جوع بقيت غا كندخل او نخرج فالهضرة جاو فيا أساتذة الله يرحم ليهم الواليدين كانت وحدة منهم أستاذة ديالي ديال الفرنسية من أطيب الخلق أنا كنقل أو حشمان معا كنت كنقرا مزيان عندها أو التانية كانت ديال العربية كنت كنعرفها غي معرفة سطحية ههه ساليت الفلسفة مجاوب مزان أنا كنت خايف من الفلسفة معا المعامل 4 اوا أرا معندك أو من بعد خرجت بحالي طلعت نيشان لدار كنتسلح ل آخر مادة ههه المادة ديال النقيل بمتياز الإجتماعيات نعست بكري كالعادة فقت معا 6 مشيت دخلت لقسم كنرتب فالأسلحة ديالي او كانت فيا شوية ديال الخلعة مادي حيت على النقيل حيت على حساب آخر مادة مشي نجي حتال آخر مادة أو نخرمها لا ميمكنش تحطو الأوراق جاوبت على الوثائق بزربة إوا كيما قالو زرب تعطل قلبت الأجوبة أة عاوت الورقة من اللول مشاتلي ساعة على والو اوابقات ليا 2 ديال السوايع جبت المواضيع المقالية كاملة بديت نعزل معا كانو أسئلة واحد من الشرق او لاخر من الغرب لي غنحتاجو درتو فجيب او لي مغنحتاجوش نضل رميتو فالشكارة ساليت كولشي خرجت عرفتي بحالا خرجنت من شي حبس ههه طلعت على خاطري مرتاااح دوزت واحد 3أيام و بقيت مشطون معا النتيجة دازو ليام حتا جات ليلة ديال النتيجة الله الله الحماق نيشان دخلت جيت نكتب الرقم تنسالي هههه مشيت كنجري جبتو أو كتبتو لقيت ناجح منوصفش ليكوم الفرحة فرحة عظيمة درنا جهدنا أو ربي مخيبناش أو الله يسهل على الجميع .
الدورة اللولة سلات بلا أي مجهود أولا حفاضة غير الفهامة حيت أنا طبعي ماشي حفاض كنكره نحفض غي كنفهم او بيخير وليديا مدواوش معايا حيت هاد العام بالضبط كنت قلت ليهم فاللول ديال العام حتا واحد ميدوي معايا بخصوص القرايا أولا الحفاضة حيت كانت عندي الرغبة فهاد العام مهم مع البداية ديال الدورة الثانية غيرت البلاصة ديالي فالقسم حيت بغيت نتبع شويا معا العلم انا الدرس الا تكتب مغنرجعش ليه من بعد وخات بقالي مليون ساعة خاوية كيجيني واحد الملل فالحفاضة خصوصا مواد الحفض مهم من بعد التمارين ديما مخرجين الفروض كندخل غا فاهم او كنجيب النقط اما فمواد الفهم بلا منخمم فالنقطة حيت مضمونة معلينا من بعد مبقات 3 شهور الوطني كنقول مزاااال الحال واااايلي انا غنبدا نحفض دبا ميمكنش اوا معا مرور الوقت مزال الحال مزاتل الحال كنشوف فاليومية او شهر 5 هذا ميمكنش مزال شهر بقيت كنقوا ميمكنش هاد شي كيفاش هاد الوقت ولا كيطير هكا اوا ديك اللحضة فين بديت كنبريباري غي شويا وليت غا كنفكر علاش مبديتش بكري علاش مهم بديت كنضم الوقت ديالي فالحفاضة وليت هاز الهم للإمتحان ...
دخل رمضان غادي مزيان وخا فاتني التران ولاكن كنت كنحاول نعوض ما فات بقيت كنقول يا ريت كون بديتي هكا من اللول ديال العام حتا را انا ساليت دبا او مستعد ولاكن هانية ديما مورا الفطور كندخل لبيتي نسد عليا او نبدا نبرباري حتال 12 عاد كنخرج نضرب دويرة باش نتلف الوقت اوا مع الأيام جات الليلة ديال الإمتحان انا زعما مخرجت برا على أساس نعس بكري حطيت راسي على الوسادة اوا عيني مسدودين او عقلي خدام والو مبغاش يديني نعاس حتا طلع النهار معا نعاسي تقيل موصي الواليدة او الواليد او داير ألاغم ل طيلي 2 سوايع قدامي محققين ههههه مكنتيقش ف النعاس ديالي حيت عارف راسي و الله الا كنتصمك منين كنكون ناعس اوا داني نعاس واحد ساعة من 5-6 او ضرباتني الفيقة بوحدا و الله ما فيقني شي واحد سبحان الله إلا كان عقلك محقق صافي راك ناضي ههه نضت خسلت وجهي لبست بقيت كالس حتا يجي الوقت منين وصلات 7 انا واجد خرجت عادي وخا كان خاصني قهوة مي عادي تلاقيت مع دراري شيك يقاد النقلة شي هاز دفتار او انا كنت مع النرع اللول كنقاد النقلة حتا وصلنا منين جينا ندخلو بداو كيقلبونا ههههه و انا عندي طيليفون فجيب و انا نرجع لور بزربة ضربتو فسبرديلة او كملت مهم مطلع والو بقيت غادي حتا لقيت راسي انا اللول فلاليست معطلونيش الطاولة اللولة اواااه العام لي فات او هاد العام ف الطاولة اللولة بزااف على هاد النحس مهم هانية ندوزو دخلنا الحصة اللولة العربية درت فيها قراي كنقرا النص هههه عرفتو مسرحية او عندي بزاف ديال التقاديم فجيب واحد جبت اللولة او ما جات غ المسرحية و الله فديك اللحضة حتا تصدمت اواااه ما جا غا داك التقديم من دون داك شي كامل دازت 3 دسوايع ساليت خرجت انا اللخر مشيت نعست حتال 1 فقت بقيت كنفكر اش غندير فالعشية الإنجليزية كنقول هانية كنت موجد ليها من قبل خدمت شحال من امتحان هبت دخلنا معا تحطات الورقة قريت النص بديت كنشرشم فالأسئلة مهم ساليت ف 2 ديال سوايع خرجت مشيت فحالي ...
الغد ليه فقت حتال 12 عندي الفلسفة يا لاطيف معقدة او مع الطاولة اللولة او جوع بقيت غا كندخل او نخرج فالهضرة جاو فيا أساتذة الله يرحم ليهم الواليدين كانت وحدة منهم أستاذة ديالي ديال الفرنسية من أطيب الخلق أنا كنقل أو حشمان معا كنت كنقرا مزيان عندها أو التانية كانت ديال العربية كنت كنعرفها غي معرفة سطحية ههه ساليت الفلسفة مجاوب مزان أنا كنت خايف من الفلسفة معا المعامل 4 اوا أرا معندك أو من بعد خرجت بحالي طلعت نيشان لدار كنتسلح ل آخر مادة ههه المادة ديال النقيل بمتياز الإجتماعيات نعست بكري كالعادة فقت معا 6 مشيت دخلت لقسم كنرتب فالأسلحة ديالي او كانت فيا شوية ديال الخلعة مادي حيت على النقيل حيت على حساب آخر مادة مشي نجي حتال آخر مادة أو نخرمها لا ميمكنش تحطو الأوراق جاوبت على الوثائق بزربة إوا كيما قالو زرب تعطل قلبت الأجوبة أة عاوت الورقة من اللول مشاتلي ساعة على والو اوابقات ليا 2 ديال السوايع جبت المواضيع المقالية كاملة بديت نعزل معا كانو أسئلة واحد من الشرق او لاخر من الغرب لي غنحتاجو درتو فجيب او لي مغنحتاجوش نضل رميتو فالشكارة ساليت كولشي خرجت عرفتي بحالا خرجنت من شي حبس ههه طلعت على خاطري مرتاااح دوزت واحد 3أيام و بقيت مشطون معا النتيجة دازو ليام حتا جات ليلة ديال النتيجة الله الله الحماق نيشان دخلت جيت نكتب الرقم تنسالي هههه مشيت كنجري جبتو أو كتبتو لقيت ناجح منوصفش ليكوم الفرحة فرحة عظيمة درنا جهدنا أو ربي مخيبناش أو الله يسهل على الجميع .
قصتي مع الباك القصة الثالثة
هادي هي قصتي مع الباك
القصة الرابعة قصتي مع الباك أنصحكم بقرأتها
لخوت لعندو 4و3 فالجهوي ميفقدش الآمال ، أنا شخصيا كانت عندي 3.93 فالجهوي لعام لول كنت فاقد آمال كنت مرا كندخل مرا لا لمهيم منطولش عليكم وصلت دورا الأولى لقيت راسي عندي 12,23 عجبني لحال حيت مكنتش مسوق.بدينا فدورة تانية ضحك ونشاط ناس تحفض وتقرا ونا مقابل غير ضحك كنت ديما أنا هو لمنشطهم أديما مقربلها مع الأساذة أكنبعد قرب الإمتحان ناس تحفض وأنا نصيب فالحجابات وصل لمتحان دخل حطوا لينا لوراق بقيت غير كنشوف فجنابي وحق ربي فديك لحضة مغدي يعقل عليك لصاحبك لصاحبتك ديك ساعة غدي تحس بواحد الإحساس لغدي تبكي بدموع لمهم معليش دازت عندي ديك 3 الأيام عادي ولكين هنا غدي يبدا العذاب ديال بصح صونليا صاحبي قالي رني نجحت نقطة رها تلاحت دموع بدوا كيهبطو ليا معا الخلعة عارف راسي مقفرها دخلت لكود بدا كيشورشي وحد شوي لقيت راسي ساقط تحطت الأرض بقيت كنبكي واحد لقهرة متصورهاش العطلة كاملة دازت عذاب الوالدين كلشي ولا يتشفى فيك حتى لمكانش يهدر معاك دار رسو كيبغيك
قصتي مع الباك 2018 القصة الخامسة
عامين وأنا كانعاود فالباك يعني دوزت 4 ديال الامتحانات دازت علييا بحال 4 سنين ضعفوني ومرضوني وعقدوني فحياتي ، حيت كل عام الاستدراكي ديالو وكل امتحان بالخلعة ديالو ، حتى من موالين دار فقدو الامل فييا ...
نعاود باختصار العام الاول طلعنا الباك كنت أنا واحد زوج صحاباتي وحدة قراية زعمة ووحدة بحالي مامسوقاش .
تافقنا أنا وياها هاد العام راحة و السياحة مانجحوش حنا مازالين صغار باقي ماشفنا ماتشوفنا هاد العم الضحك والنشاط وقلنا هاد العام غير غانستافدو باش العام الجاي نجحو بميزة (حسن جدا) وعجباتنا الفكرة ، بدا العام وغادين نتعرفو على كاسولين بحالنا .
حتى هما ضاربين دنيا بركلة ومامسوقينش القراية المهم حتى هما تافقو معانا بلي هاد العام غير ديال الاستفادة ساقطين ساقطين, عمرنا دخلنا مع 8 كانمشيو حتى 10 توقيت اداري مستمر المهم الاستاد ليعجبنا ندخلو عندو كاندخلو ليماعجبناش ماندخلوش عندو كنا أنا وهدى محطمين الرقم القياسي فلغياب بالاخص الفلسفة حيت كان عندو التزيار كنا كانجيو تالمدرسة نتلاقاو ونمشيو لواحد الجريدة ونبقاو كالسين تحت واحد الشجيرة تادوز 2 ساعات د الفلسفة .
- ننصحك بالإطلاع على هدا الموضوع
- أشنو غدي نقرا في مادة الفلسفة بالدارجة
صافي داز العام بحال البرق جا الامتحان طبقات علينا المقولة ديال عند الامتحان يعز المرآ أو يهان وحنا صبرنا الاهانة داك العام حيت موجدين ليها . ونهار النتاءج العائلة كلها كاتسول وحنا صافي قارمين عارفين مقفرينها لي عطى الله عطاه وطبعا إلا خاءنة العهد فاطمة هي لينجحات زادت غير قفراتها علينا .
المهم ندمنا حيت ضيعنا عام من حياتنا غير فالكسل والنعاس وأكبر ندم هو الوالدين ليمافرحناهمش وبقينا أنا وطريكت لكاسولين نتي سبابي فعدابي نتوما خارجين علييا ... المهم أنا ماكنتش مصدومة بزاف حيت صحاباتي كاملين مونسيني وساقطين ليكايهضر معايا كانقوليه وحتى سهى وهدى ونهى وزينب وبالنسبة لدار قتليهم صافي هاد العام عفى الله عمى سلف ااعام جاي نجيب الباك ديالي بميزة أنا مقبول ماكافيانيش.
داز الصيف جا العام التاني واعت راسي هاد العام ناخد الباك هاد العام نفرح واليديا المهم بدا العام جينا مفرقين أنا والكليكة حلفنا تانتجمعو فقسم واحد باش زعمة نتعاونو احم احم وصافي نتاقلنا وتجمعنا واخا نهى وزبنب ماتجمعوش معانا بسباب شي ضروف المهم قرينا عملنا مجهود ديك العام واخا ماشي شي مجهود مي كوميم مع العام الاول جا الامتحان جات الخلعة ياربي السلامة دوزنا سالينا جاو النتائج اابلان عاود ماصدقش زكلناها غير بالفاصلة والغريب هو كانجيبو قد قد حيت ليعارفة هاد عارفاه لوخرا المهم أنا وتريكت ساقطين مازالينا أخر فرصة وهي هاد الاستدراكية ولا صافي خلات علينا مع مالن دار وحنا أصلا متبقيناش حاملين راسناالمهم وصل الوقت دلاستدراكية دوزنا الحمد الله مزيان نهار النتاءج حتى حد ماسول فينا حيت كلشي فقد فينا الامل والحمد الله نجحت أنا وصحاباتي وخدينا الباك الحمد الله.
كانت هده هي القصة الأخيرة لهدا اليوم ترقبو قصص أخرى إن شاء الله في الموضوع القادم .
في الأخير لا تنسى أن تشاركنا برأيك في التعليق أسفل هدا الموضوع حول هده القصص ، وماهي أكتر قصة أعجبتك
وأيضا شركها مع أي شخص تعرف أنه سوف تعطيه الأمل والحافز ليحقق هو أيضا النجاح
تعليقات: (0) (يمكنك التعليق برابط صورة او فيديو)