القائمة الرئيسية

الصفحات

ملخص درس أزمة العالم الرأسمالي الكبرى لسنة 1929 بالدراجة


ملخص درس أزمة العالم الرأسمالي الكبرى لسنة 1929 بالدراجة

ملخص درس أزمة العالم الرأسمالي الكبرى لسنة 1929 بالدراجة 


مرحبا بكم في سلسلة دروس الإجتماعيات بدارجة المغربية ، إن شاء الله اليوم سوف نتحدت عن درس مهيم هو الدرس الثالث في ترتيب دروس الإجتماعيات الخاصة بمكون التاريخ ، هدا الدرس هو درس أزمة العالم الرأسمالي الكبرى لسنة 1929
إدن سوف نبدأ في الشروع في شرح هدا الدرس بالدارجة وأنصحك من جهتي بأن تقرأ هدا الموضوع حتى الأخير حتما سوف يعجبك ويفيدك كثيرا نظرا لأنني سوف أقدمه لك بطريقة سهلة وبسيطة بالدارجة لكي تستطيع الإلمام بكل جوانب هدا الدرس ، إدن سوف نبدأ بإدن الله.

مقدمة 
أول حاجة نعطكم الخيط الرئسي لغدي دخلكم لفهم هدا الدرس ولي هو أنا أو حاجة كنشفها في العنوان هي أنه كيتكون من أربعة كلمات هدا الكلمات لقرنها غدي نعرفو بلي راه غدي هدر هدا الدرس على واحد روينة أو أزمة بعدها كنزو نعرفو بلي هدا الروينة وقعات في العالم ولكن إنا عالم إدن فالعنوان تقول لينا هدا الرونة طرات غير في العالم الرأسمالي أي بمعنى غير الدول لي كتبنى النظام الرأسمالي بعدها العنوان كيحدد لينا الزمان لي هو سنة 1929
مزيان دبا غدينا فكرة على موضوع الدرس غير من خلال العنوان ديالو دبا نزدو نتعمقو في هدا الدرس نعم أسي بينما كانو الناس هانين كل حاجة غدة مزيان ناس كدخل في الفلوس كتخرج فيها ناس كتشري في الأسهم ناس كتبيع فيها ولكن في واحد النهار تحديدا يوم الخميس 24 أكتوبر 1929 ، غدي تقلب كولشي ناس كانت أغنياء غدي تصبح تلقا رسها مبقا عدها والو وهدشي بسباب واحد الأزمة إقتصادية بدات من الولايات المتحدة الامريكية بعدها غدي تشمل بزااف تع الدول في العالم الرأسمالي،
إدن هنا بكل تأكيد غدي نطرح واحد الأسئلة لي أول سؤال هو أشنهيا هدا الأزمة لي دارت هدشي كامل ؟
وأشنهو تفسير ديلها زعمة علاش وقعات أصلا ؟ بطبعة الأحوال غدي نسولو على العوامل لي خلتها توقع ولي خلتها تشمل أغلب دول تع العالم ؟
في الأخير غدي نهدرو على كفاش قدرو ناس إتجوزو هدا الأزمة ؟ وأشنهيا النتائج لي نتجات على هدا الأزمة ؟ إدن كنضن بلي الأمور واضحة لحد هدا النقطة يالله بقا متبع معيا غير واحد دقيقة من وقتك باش نمشو نشرح لكم المحور لول لي هو بعنوان

ماهو تعريف الأزمة الإقتصادية لسنة 1929 وماهي تفسيراتها



نبدو بشق الأول من المحور لي هو تعريف هدا الأزمة

  1. تعريف الأزمة الإقتصادية لسنة 1929

بكل سهولة إمكن لينا نعرفو هدا الأزمة على أنها واحد المشكل كبير لي وصل إلى حد أننا سميناه أزمة هدا المشكل أو الأزمة وقع في واحد نهار معروف بالخميس الأسود لي هو يوم الخميس 24 أكتوبر سنة 1929 ، شيق التاني من تعريف هو أن هدا الأزمة طارت في الولايات المتحدة الأمريكية هي لول وتحديدا في واحد البورسة سمتها وول ستريت من هدا بلاصة غدي تنتقل وتشمل كاع الدول ومختلف القطاعات ، مزيان دبا سلينا مع تعريف ندزو النقطة التالية من هدا المحور لي هي .

2- ماهي تفسيرات وقوع أزمة 1929


مهيم غدي نلقاو مجموعة من التفسيرات تع علاش وقعات هدا الأزمة ولي من بنها لي كيقول :

  • هدا الأزمة بسباب صعوبات لي كانو في التسويق المنتوجات حيث تفوق العرض على الطلب من جهة خرى كين لي كيقول  .
  • هدا الأزمة غير بحال كاع الأزمات الرأسمالية لي كتوقع بشكل دوري وطبعي كل مرا كتوقع .
  • ناس خرين كيقلو بلي هدا الأزمة وقعات بسبب المضاربات المالية لي كانت في البورصات هدا المضاربات خلات قيمة تع أي سهم في البورصة إتجاوز تمن الحقيقي ديالو .

هده هي أغلب الأراء والتفسيرات لأسباب وقوع هدا الأزمة مزيان نتمنى تكون الأمور واضحة ولا مكانتش شحاجة واضحة ليك يكفي أنك تحط سؤال ديالك في التعليق أسفل هدا الموضوع وغدي نكون سعيد باش نجوبك عليه ، دبا ندزو للمحور الثاني من هدا الدرس ولي هو بعنوان .

كيف إنتقلت الأزمة الأقتصادية لسنة 1929 لتشمل كل المجالات والعالم




في هدا المحور غدي نهدرو على كفاش هدا الأزمة تحولات بين المجالات وأيضا كفاش ولات عالمية إدن نبداو بأول شق لي هو .

  1. كيف إنتقلت أزمة من المجال المالي إلى الإنتاجي


نعم أسي ملي طرات هدا الأزمة في القطاع تع الفلوس لي هي الأبناك مباشرة علانات هدا الأخيرة على الإفلاس ديلها وأنها مبقاتش قادرة بأنها تعطي القروض للناس بطبعة الحال هنا غدي تأتر مباشرة مجموعة من القطعات لي كانت كتمولها هدا الأبناك لي من بنعا القطاع تع الإنتاج لي بدورو مغديش إقدر مزال أنه إسوق المنتوجات ديلو ، هنا غدي توقف عدنا الصناعة عن الإنتاج الشيء لي غدي نعكس بشكل سلبي على على القطاع تع الفلاحة أيضا بحيت غدي إنخافض الإنتاج ديالو حتى هو وهنا غدي وقع إفلاس لمجموعة من الفلاحين حتى هما بشوية بشوية غدي تضرر كل قطاع تلوى الأخر غدي تضرر لنا التجارة والخدمات وبها غتكون الأزمة شملات لينا كاع المجالات والقطاعات.
دبا غدي نتقلو نتقلو للنقطة التانية من هدا المحور لي هي .

2- كيف تم تدويل الأزمة الإقتصادية لسنة 1929 وتحولها من الولايات المتحدة الامريكية إلى باقي دول العالم


هنا من بعد مكانت عدنا واحد روينة أو أزمة واقعة غير عند دوك ولاد الناس تع الولايات المتحدة الامريكية غدي تحول لينا من عدهم لباقي كاع دول
أكيد دبا غتسولو علاش تحولات من عدهم لباقي دول ، الجوب بسيط هو أن الولايات المتحدة الأمريكية غدي تسحب وتحيد كاع الفلوس تعها ورأس مال ديلها من دول لي كانت مستتمرت فيها ، أيضا غدي توقف الدعم ديلها على الدول لي كانت دعمها بحال النمسا ، وأيضا غدي تأتر مجموعة من الدول بحال فرنسا وإنجلترا بحكم أن الإقتصاد ديالهم كان مرطابط مع بعطياتو ، ملي وقعات فيها هدا الأزمة ملقاو مزال فين إبعو وشراو خاصة أن المنفد الوحيد لي هو اليابان كان داير سياسة تع حماية الجمركية في أي حاجة تبغي دخل لبلادو من هدا البلادان .
هنا مغدي إبقا ليه غير حل واحد هو العالم التالت لي هي المستعمرات هنا غدي تأترو حتى هما حيت دوك الدول مغدي تخلي حتى حاجة عندها قيمة في هدا المستعمرات وغدي تستنزف التروات ديلها باش تعوض دوك الخسائر لي وقعات ليها باش تعود تنوض من جديد هنا غدي نكنو كان نهضرو على واحد أزمة لي وقعات في واحد البورصة في الولايات المتحدة الأمريكية من بعد تحولت للقطات تع هدا دولة من بعدها ولات عدنا في كاع الدول ولينا كنهدورو على أزمة عالمية .
دبا غدي نتقلو المحور الأخير من هدا الدرس لي هو المحور الثالث لي بعنوان .

ماهي نتائج الأزمة الأقتصادية لسنة 1929 ماهي خطوات محاولة تجاوز هده الأزمة


في النقطة الأول من هدا المحور الأخير غدي نهدرو علي نتائج تع هدا الأزمة

  1. ماهي نتائج أزمة 1929

  • بكل بساطة راه النتائج إمكن لينا نلخصوها في هدشي لسبق لينا شفناه وهدا النتائج كتمتل في التالي :
  • إفلاس الفلاحين والمستثمرين والأبناك وتسريح العمال 
  • تكدس الإنتاج الفائض وصعوبة في التسويق ديالو وكساد البضائع وتوقف الإنتاج بصفة عامة
  • نتائج على المستوى الإجتماعي تمتلات في
  • إننتشار الفقر والبطالة والتشرد مجموعة من العمال
  • وقعات مجموعة من الإحتججات والمظاهرات هدشي خلا النظام الديمقراطي الرأسمالي إفقد التقة ديالو في مقابل تزاد تبني النظام الإشتراكي.
دبا سلينا مع النتائج ندزو لكفاش تجوز هدا النتائج

2- ماهي خطوات تجاوز الأزمة الإقتصادية لسنة 1929


بنسبة الولايات الولايات المتحدة الأمريكية  فهي تجاوزت هدا الأزمة بأن الرئيس "فرانكلين روزفيلت دار واحد الخطة جديدة في سنة 1933 تركزات على مجموعة من الركائز لي هي :

القطاع الفلاحي : دار واحد تعويضات للفلاحين ، وقدم لهم مجموعة من المساعدات .

القطاع المالي : دار واخد الرقابة على الأبناك والبورصات ، ومنع أنه إتصدر الدهب والفلوس تع دولة ، وغفض أيضا القيمة تع الدولار .

القطاع الإجتماعي : دار مجموعة من المشاريع باش إخدام الناس لي عاطلين عن العمل ، وأيضا قدم لهم مجموعة من التعويضات ودار تأمين على الشيخوخة .

- أما روسيا

فهي متأتراتش بشكل كبير بهدا الأزمة وتجوزاتها بفضل النضام الإشتراكي والمخططات الإقتصادية لي كانت ديرها .

- أما ألمانيا

تجوزات هدا الأزمة بفضل الإقتصاد الموجه والمخططات الروباعية .

خاتمة 

إلى هنا نكنو وصلنا لخاتمة درس ديلنا هدا النهار إمكن لينا نقلو في هدا الخاتمة أن كاع هدا المشاكل لي عرفها العام من الحرب العالمية الأولى وأيضا الأزمة الإقتصادية لسنة 1929 كلها ساهمت بشمل أو بأخر باش تزاز المكانة تع الأنضمة الدكتاتورية للحكم هنا غدي نكنو كنطلو على المعالم الأولى تع الحرب العالمية الثانية .

ومن هنا تال تماك كنشكركم على حسن تتبعكم للموضوع حتى هده المرحلة وأيضا متناس تشوف شرح ديال هدا الدرس أيضا


هده بعض شرح لمصطلحات لي كانت في هدا الدرس

الخميس الأسود :  هو نهار تع الخميس 24 أكتوبر 1929 وهو كيتعابر أول نهار لي تسجلات فيه بداية تع الأزمة الاقتصادية وهدشي علاش كيعتبره الرأسماليون يوما أسودا .

فرانكلين روزفيلت : أشهر رؤساء الولايات المتحدة الأمريكية ، كينتمي إلى الحزب الديمقراطي .

في الأخير لا تنسى مشاركة هدا الموضوع مع أي شخص يمكن أن يستفيد منه لتعمة الفائدة ، وإن شيء ما لم تفهمه في أحد الفصول من هدا الشرح فيمكنك وضعه في التعليق أسفل هدا الموضوع سوف أجبك عنه بكل سرور .


تعليقات