القائمة الرئيسية

الصفحات

طريقة التعامل مع مواد الجهوي في الأولى بكالوريا




طريقة للتعامل مع مواد الأولى بكالوريا بالدارجة المغربية


مرحبا بكم ، في هدا الشرح سوف أقدم لك أحسن طريقة للتعامل مع مواد الأولى بكالوريا وجتياز فيها الإمتحان الجهوي بكل سهولة ونيل درجات عالية إن شاء الله، قبل أن نتطرق لطريقة التعامل مع كل مادة من المواد التي سوف تدرسها خلال هده السنة الدراسية سوف أفتتح هدا الموضوع بمجموعة من النصائح أولا والتي سوف تساعدك، في أخير الموضوع سوف أقدم لك نصائح لتجاوز مرحلة الامتحان الجهوي بسهولة، أتمنى أن تنال إعجابكم، إدن تابع معي هدا الشرح حتى النهاية ولا تغفل منه أي جزء .

نصائح أولية قبل تطبيق هده الإستراتيجية



  1. اولا خصكوم تعرفو ان كلشي ارزاق لي مكتاب ليك هو لي غادي تاخدو .
  2. ثانيا ما خصكش تعيا من معاودة ديال حفاظة رجعها هواية .
  3. رابعا كينين اساتذة لي ماعندهومش ضمير الى بغيتي تدير سوايع عرف عند من حيث كاين لي ماقريش حتى الروايات فيهم .
  4. خامسا تقدرو تخدمو نتوما و شي صديق او صديقة باش تشجعو بعضيانكم و تستافدو بجوج.


راجع جيدا ولا تكثر من السهر واللعب .
_ نظم وقتك جيدا مراجعة صباح الباكر والمساء .
_ أسس جدول توقيت لك انت ولا تستعن بالآخرين ونظمه حسب ما يساعدك .

_ التزم بمراجعة وحدك وأحيانا مع أصدقائك لكن لا يزيد عن خمسة أسخاص
_ التزم الصلاة وذكر الله الانها تريح البال والجسم وترضي الله .

_ دعوة الوالدين دائما ذكرهم بدعاء لك وأنت ادع لهم دائما
_ في فترة الامتحانات عندما تخرج من الامتحان لا تتحدث عن المادة السابقة الانها من الماضي وتهلك نفسيتك اخرج واجلس و أذكر الله.
_ دائما ومن الآن عود نفسك على نهوض باكرا .
_ مارس الرياضة واسترخي وانسى جو الدراسة قليلا .
_ عندما تيأس من الدراسة تذكر فرحة والديك وامك تزغرت والفرحة في البيت.

_ دائما حاول تحفيز أصحابك ولا تكن سببا في كرههم ل دراسة.
_ أكثر من دعاء بعد كل صلاة فالله سبحانه وتعالى بعد إلحاح يأتي الفرح والسرور بإذن الله.

إستراتيجية التي يجب عليك تطبيقها مع كل مادة 





مادة الاجتماعيات:




أحسن طريقة باش تعمل مع هدا المادة هي أنك تصيب خطاطات لدروس وتحول أنك تدير الأفكار المهمة بلون أخر من غير زرق وتقاد الخطاطة ديال الدرس بوحد شكل لي كترتاح ليه عينك ولي سهل تدكرو في مخيلة ديالك ولبفتي تحفضها نضوض مع 6 ديال الصباح اما المصطلحات لي مخصصة للجهوي فهي لي مطروحة فسلسلة سيكما ما عرفتش بالنسبة للسلسلات الخرين حيث سيكما باش خدمت و فليلة الفرض لقيت واحد شين كيلخص الدروس مع السياق التايخي و مبيان "mrrachidgeo " استاذ اجتماعيات الله يجازيه بالخير و ما تخليوش الدروس يتراكمو عليكم ابدا ابدا .





هدا المادة كنسميها بالوكالة لانها كتاكل الوقت بزااااف فالحفاظة حديو راسكم منها لمهم مقلتش ليك بريبياريها من اول العام غير هو بقى ديما تراجع دروسك وحفظ للفروض وراه عطيتكم طريقة التعامل مع هاد المادة باش تفهم وتحفظ دروس ديلها بكل سهولة إمكن ليك ملي تسالي من قراءة هدا الموضوع تشوفها من هنا، طريقة متميزة لفهم وحفظ دروس الإجتماعيات بسهولة


مادة التربية الاسلامية:

القران كاينة سورة يوسف باش يسهال الحفظ ديالها عليكم كل 5 ايات حفظهم فاليوم و فنهاية الاسبوع راجع كلشي
خصك تراجع تعريف السورة + سبب النزول و التسمية + الاحكام ( احكام النون الساكنة و التنوين + المد + القلقلة ) كل شطر شرح فيه المصطلحات و عرف الاحداث بالترتيب و القيم و الاحكام المستفادة و الدروس و العبر هادشي يمكن ليك تحضرو بلا ما تسنى الاستاذ و لي بغا هادشي مجموع محضر هو و الدروس ممكن يعتامد كتاب الشامل في التربية الاسلامية او التلخيص المتداولة للاستاذ عبد الكريم الخلوفي راك غادي تلقاه فغوغل .


مادة اللغة العربية




بالنسبة مادة العربية لي غدي درو تحليل  للنصوص هدي هس  طرق لاجابة عليها .

سؤال 1
كيكون حول علاقة النص بالمصدر اوالعنوان ....
نكتب حين نتامل النص ( نذكر العنوان) في علاقته ب ... يمكن القول ان بينهما علاقة ... من حيث و ضروري ضروري تشرح العلاقة فسطر و نص

سؤال 2 و 3 
قضية مركزية غلبا و ليس دائما هه ممكن تستنتجها غير من المقدمة اما العرض و الخاتمة غالبا كتكون فيهم القولة اما الشرح كيبقى على حسابكم

سؤال 4
من الاحسن تكتبو يتوزع النص بين حقلين دلاليين و رسم جدول و ذكرهم
و الى طلبو منك العلاقة ذكرها مع الشرح ضروري حيث كاينين اساتذة كيتيطاو على التبرير
سؤال 5 كيكون من النص
سؤال 6
كيكوليك وضف الكاتب مجموعة من الاساليب الحجاجية استخرجها و بين و ظيفتها
الجواب.
تتيح قراءة النص استنتاج ان الكاتب و ظف اساليب حجاجية استدلالية: نذكر منها
اسلوب تعريف - مقاربة - موكيد - النفي مع اعطاء امثلة لكل اسلوب لقتييه
و واحد 2 اساليب كتلقى فيهم واحد اما استقرائي او استنباطي الفرق ان الاستقرائي كيهضر فيه الكاتب من الخاص للعام اي مثلا الفقرة 1 على الراي ديالو و 2 ديال الراي ديال المغاربة اما 3 الراي ديال العالم كلو مثلا فالهجرة اما الاستنباطي راه العكس ديالو
و كتكول حيث يتدرج الكاتب من الخاص نحو العام او العكس على حساب انا واحد لقيتي و غالبا كيكون الاستنباطي
كتكمل و اخرى لغوية:
نذكر منها اللغة التقريرية المباشرة و تكون خالية من الصور البلاغية تخاطب العقل بهدف الاقناع الامثلة ديالها كتكون على شكل معلومة او دراسة او احصائيات يعني كتمشي ديركت لعقلك و اسلوب خبري غايته نقل المعلومات للمتلقي و اي جملة كتبدا ب ان فيها اسلوب خبري و ادوات الربط منها ضمائر و اسماءاشارة و اسماء موصول و ادوات الربط مع ذكر لكل منهم مثال.

سؤال 7
خلاصة تركيبية
تناول الكاتب موضوعا اثار جدال كبير بين المفكرين انه ..... و نعطي مضمون صغير للنص و من خلال معلجته للنص وظف اساليب حجاجية استدلالية و لغوية ( نذكرها بصفة عامة) للدفاع عن اطروحته و ترابط عناصرها اما بخصوص فموقفي يا اني اعارض الكاتب او اني اضم صوتي للكاتب
هدا المادة خاصك فقط تعقل على المفاهيم والمجزوءات لي عندك والدرس اللغوي غادي تربح 4 نقط فابور وقلب على منهجية ديال التعامل مع النصوص حيت 7 اسئلة كيبقاو يتعاودو فكل جهة على حدة و هما نيت غير الى كان شي تغيير بسيط وصافي يعني منهجية وحدة ديال الاجابة.
دبا ندزو لشق الأخير من هدا الموضوع ولي غدي نعطكم فيه.



نصائح لتجاوز مرحلة الامتحان الجهوي بسهول



نصائح لتجاوز مرحلة الامتحان الجهوي بسهول












بزاف منكم مخلوعين من الجهوي الا أنه امتحان بسيط
للغاية، خاس فقط شوية دالنظام و بعض الوسائل و تقنيات تعرفوها لتمكنكم تجاوزو الصعوبات بسهولة و تجنبو الأخطاء.
المسألة الأولى هي الفروض فاش تات وجدو لهم خليو عندكم الوراق و الملخصات ديال كل درس مات لوحوهمش باش فاش يقرب الامتحان الجهوي غات تكون الحفاضة سهل الا حفظتي من نفس الملخصات، كاين واحد الجزء من الدماغ سميتو L'Hippocampe تيعتني بالذاكرة على المدى الطويل.

بالنسبة للحفاظة غات تكون أسهل إلى فهمتي الدرس طبيعة الحال، فهمو و عرضو بحال الا تا تعاود لراسك شي قصة، المعلومات تايترسخو بشكل مرتب. فاش دوزو الفرض، واخا ما يبقا عندك غراد بالدرس قراه و لو غي مرة كل شهر باش ما يجيكش غريب فاش تبداو المراجعة المركزة قبل الجهوي.

واحد المثل تايقول دير الخير تلقاه، و مطابق جدا مع الحفاظة، الا فهمتي شي درس، فسرو للأصدقاء ديالك، هاد العملية غتمكنك ترسيخ المعلومات بشكل دائم مما سيسهل عليك استرجاع المعارف يوم الامتحان. خدمو بالسلسلات و الملخصات لس فيهم باش تسبقو الأستاذ،
نتافقو على واحد المسألة حيت بزاف منكم غي سولوني شنو لي حسن، السلسة لي خديتي مزيان و فيها إفادة و تتبقى حسن من والو، أنا شخصيا أنصح بسيكما الطبعة الجديدة لأنها مخدومة بذكاء خالية من الأخطاء و ملائمة للحاجيات التلميذ و التلاميذ العام لفات جابو نقط تبارك الله، ولكن تنصحكم أيضا ديو السلسة لتا تخدمو بها معكم فين ما كنتو ، استغلو أوقات التنقل في القراءة و المطالعة أو فاش ما تي جيش الأستاذ مثلا.. واحد الطريقة حتا هي عندها فعالية و هي تسجل الدرس أو الملخص في الهاتق و قبل ما تنعس تسمعو.

هادشي لي كاين نتمنى نكون فدتكوم و الى فادكم هادشي ما تنساونيش فدعواتكم.
إلا حستي براسك ستفدتي من هدشي شركو مع أي شخص تعرف أنه سوف يستفد منه مثلك وشكرااا


  • فيس بوك
  • بنترست
  • تويتر
  • واتس اب
  • لينكد ان
  • بريد
author-img
MaZart

عدد المقالات:

شاهد ايضا × +
إظهار التعليقات