القائمة الرئيسية

الصفحات

تسعة طريقة متميزة لتطوير مهاراتك في اللغة الإنجليزية بالدارجة


كيفاش تقدر تطور من مهارات التحدث بالإنجليزية

كيفاش تقدر تطور من مهارات التحدث بالإنجليزية



السلام عليكم ورحمة الله وبركاته، في المقال سوف نتطرق لموضوع جميل ومفيد لمن كان يريد تعل اللغة الإنجليزية بطرق بسيطة وسهلة وهدا الموضوع بعنوان كيفاش تقدر تطور من مهارات التحدث بالإنجليزية بخطوات بسيطة ، كما كتلاحض أن العنوان بالدرجة وهدا يدل أيضا أن شرح هدا الموضوع سوف يكون هو أيضا بالدارجة وهدا من أجل تسهيل فهم هده الخطوات ولهذا كنصحك تبع معيا هدا الشرح حتى الأخير .


How to improve your English Speaking skills with these simple steps


ياكما مزال كاتمتم شي شوية ولا كاتوحلك الهضرة بالإنجليزية؟ We got your back

1 – كبر/كبري من الرصيد اللغوي ديالك :


طريقة تطوير رصيدي اللغوي في اللغة الإنجليزية


بزاف ديال الناس كايسولو على شناهيا أول حاجة خصهوم يبداو فيها في مسيرتهم لتعلم الإنجليزية.و أول نصيحة ليكانقدم ليهم هي اكتساب عدد كبير و متنوع من الكلمات في مختلف المجالات. أول خطوة غادي تحتاجها هي أنك دبر على قاموس جيد. فاش كانقولوا قاموس فحنا ما كانعنيوش القواميس ديال 20 درهم أو تعلم اللغة الإنجليزية في خمسة أيام. القاموس ليغادي يخصك دبر عليه خاص يكون قاموس أدبي و متكامل ليغادي يقدر يعطيك شروحات متعددة ديال الكلمة على حساب السياق لي جات فيه. نسخة ورقية أو إلكترونية ماكايهمش واخا كانفضلوا الإلكترونية في بعض الحالات. من بين القواميس ليعندعهم مصداقية و سمعة جيدة ولي استعملو شخصيا هم التالي :

قاموس Oxford Dictionary 
قاموس Cambridge

هاد جوج كايميلو لـ British English

أو قاموس Merriam Webster
هادا كايميل ل American English




2 – تاني حاجة ليغادي تساعدك بشكل كبير في تطوير مهارات التحدث ألا وهي الإستماع.



 هاد الخطوة كانركزو عليها بزاف لأنه مايمكنلكش أبدا تنتج شي خطاب إلا ما تلقيتيش شي حاجة عبر السمع. على ذكر هاد المسألة فالطفل فمراحل تعلمه للغته الأم فهو كايكتاسبها عن طريق السمع. قبل ما تبدا أي نشاط غادي يخصك تختار اللهجة ليكاترتاح فيها. كيف ما كاتعرفو فاللغة الإنجليزية عندها بزاف ديال اللهجات و درجة الصعوبة كاتختالف من لهجة لأخرى. لذلك غادي دير واحد البحث قبلي (Preliminary research ) على اللهجات ليكاينين. من بين النصائح ليتقدر تبع باش تختار اللهجة المناسبة ، قرا / قراي الخطوة التالية.
من بين الحاجات ليتقدر دير :

تفرج في أفلام و مسلسلات ناطقة بالإنجليزية :

ما كايهمش بتاتا شحال ديال المهارات ليكتاسبتي فاللغة الإنجليزية إلى ما كانتش عندك القدرة باش تفهم العبارات اليومية ليكايستعملوها الناطقين الأصليين (Native speakers) . هاد الجانب مهم جدا لدرجة أن هناك العديد من القواميس خاصة غا باللغة العامية (لغة الشارع). هنا كايجي الدور ديال الأفلام و المسلسلات فين كايكون الإستعمال ديالها مكثف. إلا كنتي مبتدئ فمتنساش تخدم الـ English Subtitles ليغادي يسهلو عليك المأمورية بحكم السرعة و التعقيد ديال المحادثات. فهاد الخطوة كذلك غادي يخصك تركز باش تلقا اللهجة ليغادي ترتاح فيها كيف ما ذكرنا سابقا.

سمع لفيديوات اليوتيوب و محاضرات Ted و A.J hoge و غيرهم

خصك تولف تسمع ل English Radio او تفرج ف English Speaking Channels . Nilesat راه عامرا بيهوم. (CNN, BBC, Euronews…) ]ذكرنا هاد القنوات لغرض تعليمي فقط وما عندوش علاقة بدعمنا لأي قناة أو جهة
منها تولف للأذن ديالك الإستماع للحديث (To familiarize yourself with English) او منها تعلم مصطلحات خاصة بالميديا.





3 – سجل نفسك وأنت تتحدث بالإنجليزية سوف يساعدك على إتقان النطق


طريقة متميز لتعلم اللغة الانجليزية


من بين الحاجات ليتقدر دير فهاد الخطوة هو أنك من بعد ما تختار اللهجة ليكاتفضل غاتحاول تقلب على مصادر أخرين ليفيهوم هاداك الممثل أو الممثلة ليكايهدر بيها او من بعد غادي تحاول تعاود شي خطاب ديالو او تسجل راسك كاتعاودو. من بعد قارن ما بين الإثنين او شوف فين عندك/ي المشكل. دقة دقة حتى تكتسب your own accent

4 – طور/طوري من قواعد اللغة. - Grammar


من أهم الركائز لكتعتامد عليهم اللغة الإنجليزية هي ل Grammar . بالإضافة إلى أن اللغة الإنجليزية كاتعتابر من بين اللغات القليلة ليعندها قواعد بساط.Lucky for us  . على خلاف المتحدث الأصلي للغة (Native speaker) ليكايكتاسب قواعد اللغة بطريقة تلقائية بلى مايحتاج يتعلمهوم. فأي متعلم لهاد اللغة خصو يضبط هاد الجانب حيت كايتيحليه يفهم التركيبة ديال الجملة ، الزمن ليمستعمل فيها، و أهم حاجة الرسالة ليبغا المتحدث يوصلها ليك بطريقة صحيحة خالية من الغموض أو الإلتباس . (Ambiguity).

ثاني حاجا ليتقدر تستافدها من تعلم ل Grammar هي أنك فاش غادي توصل لواحد المرحلة متقدمة مغاديش تبقا تشغل راسك بالقواعد او شنو بغا المتحدث يوصل ليك. غادي تولي مرحلة أو عملية الفهم (Process of understanding) سريعة. بالإضافة إلى أنك غادي تصب كامل التركيز ديالك على النطق الصحيح للكلمات و تحسين اللهجة ديالك.

5 - وجد قبل ماتهضر او تخرج شي عجب .


مافيها حتي عيب فاش تكون منخارط فشي محادثة تاخد وقتك الكامل باش تفكر ف الإجابات. واخا كاتكون العملية ثقيلة خصوصا إلى كنتي ما ضابطش قواعد اللغة – Grammar
إلا كنتي مبلاني تهدر معا شي حد قبل، حاول توجد أو كتب مجموعة من الأسئلة و الأجوبة المحتملة ليتقدر تحتاج. استعمل القاموس ما أمكن. نفس الشيء إلى كانت مكالمة هاتفية.


6 - حاول تعود راسك باش تبقا تفكر او تهضر مع نفسك بالإنجليزية.


عوض ما تبقى تفكر بلغتك الأم، تخلق واحد الحوار داخلي (Internal Monologue) بينك او بين راسك.
عوض ماتقول فراسك ''هادشي فيه الخدمة بزاف' 'Say instead "This is a lot of "work to do"
او دائما قاموس يكون بجنبك.

7 - غادي يخصك تعلم بعض الأساسيات في (International Phonetic Alphabet IPA)


هادي ماشي خطوة ملحة ولكن كاتسهل عليك بزاف المأمورية فاش كاتبغي تنطق شي كلمة اذا بغيتي تعرف النطق الصحيح ديالها . هاد ل (IPA) هي مجموعة من الرموز ليكايمتلو الأصوات ديال الحروف في أي لغة.
فموضوع مقبل غادي نهضرو بتفصيل عليها.

8 - حاول البحت على ناطقين باللغة او تخلط معاهوم. من الأفضل الى كانو Native Speakers


إلى مالقيتيش Native Speakers، قلب فالويب . كاين العديد من الخدمات ليكاتيحلك تهدر مع ناطقين أصليين. Take advantage of them
او ماتنساش، دائما فاش تكون مع الأصدقاء ديالك, خصك طبق واحد القاعدة ديال،English Only او التزم بها ما أمكن واخا تلقا راسك وحلتي. فاش توحل هادي فرصة ملائمة باش ترجع القاموس. رغم أنه صعيب تلتزم بهاد القضية ولكن على الأقل لقى صديق(ة) واحد(ة) لي تقدر دير معاه(ا) هادشي باش منين توحلوا يا إما تصحوا لبعضياتكم ولا تقلبوا بجوج.

9- اخيرا و أهم حاجة هي أنك ماتخافش من ارتكاب الأخطاء.



 حاجة مهمة خصك تقتنع بيها مزيان وهي أن أي واحد مر من نفس المرحلة لي نتا فيها. الفرق الوحيد هو أنهم خرجو من لComfort Zone ديالهوم. او هادشي ليخصك دير.

خصك تخلي هاد الأنشطة من الروتين ديالك اليومي و المداوم. الهدف ديالك من هادشي كامل هو أنك تعرض راسك للغة الإنجليزية ما أمكن .
Your goal is to expose yourself to English and familiarize yourself with it as frequently as you can

كان هذا هو الموضوع ديال هدا اليوم إلى استفدتي ماتنساش تشرك الموضوع مع صحابك او صحاباتاك .

If you need more tips like these, please tell me in the comments. Or keep in touch with me in private. Thank you

وإن كان لديك أي سؤال يمكن وضعه في التعليق أسفل هدا الموضوع سوف نكون سعداء بالإجابة علية ، وأيضا لا تنسى مشركتنا برأيك حول هدا شرح وشكرااا 






تعليقات